Qubada həmkəndlisini öldürməyə cəhd edən şəxsin məhkəmə hökmündən verdiyi apellyasiya şikayətinə baxılıb. Bu barədə ShimalNews 14 iyun tarixində “Pravda.az”a istinadən məlumat verir.
Hadisə 2023-cü il fevralın 6-sı saat 22 radələrində Aşağı Atuc kəndi ərazisində baş verib. 32 yaşlı Hikmət Ağayevə 21 yaşlı həmkəndlisi Təbriz Hacıyev bıçaqla xəsarətlər yetirərək öldürməyə cəhd edib.
Sumqayıt Ağır Cinayətlər Məhkəməsi T.Hacıyevə 7 il 10 ay 15 gün müddətinə azadlıqdan məhrumetmə hökmü çıxarıb.
Təqsirləndirilən şəxs apellyasiya şikayəti verib və məhkəmə cəzanı Cinayət Məcəlləsinin 29,120.1-ci (qəsdən adam öldürməyə cəhd) maddəsindən həmin Məcəllənin 126.1-ci (qəsdən sağlamlığa ağır zərər vurma) maddəsinə tövsif edilib və cəzası 4 ilə endirilib.
