Qubada əlillik üzrə ictimai dinləmə baş tutub. Bu barədə ShimalNews 26 sentyabr tarixində Əmək və Əhalinin Sosial Müdafiəsi Nazirliyinə istinadən məlumat verir.
“Əlilliyin qiymətləndirilməsinin elektron qaydada həyata keçirilməsi barədə məlumatlandırma və yaranan problemlər” mövzusunda olan tədbir Dövlət Tibbi-Sosial Ekspertiza və Reabilitasiya Agentliyi tərəfindən keçirilib. Burada əlilliyin qiymətləndirilməsi sahəsində yeni meyarların üstünlükləri haqqında məlumat verilib.
Həmçinin fiziki qüsuru olan şəxslərə göstərilən reabilitasiya xidmətləri barədə təqdimat nümayış olunub.
Sonda meyarlar, gücləndirilmə, eləcə də reabilitasiya müəssisələrində bərpa müalicə kursu barədə suallar cavablandırılıb.
