Mayın 19-da Quba rayonunda "Dini ekstremizmə qarşı mübarizə və müasir çağırışlar" mövzusunda regional konfrans təşkil olunacaq.
Shimal.News xəbər verir ki, tədbir Dini Qurumlarla İş üzrə Dövlət Komitəsi tərəfindən həyata keçirilir və əsas məqsəd dini ekstremizmin yaranma səbəbləri, onun cəmiyyətə və milli təhlükəsizliyə təsirləri, eləcə də müasir dövrdə ortaya çıxan ideoloji və informasiya risklərinin müzakirəsidir.
Konfransda Quba Rayon İcra Hakimiyyəti, Milli Məclisin deputatları, hüquq-mühafizə orqanlarının nümayəndələri, ictimaiyyət təmsilçiləri, ilahiyyatçılar, din xadimləri və dini icma sədrlərinin iştirakı gözlənilir.
Tədbir çərçivəsində gənclərin radikal təsirlərdən qorunması yolları, maarifləndirmə işinin prioritetləri və müasir çağırışlara uyğun yanaşmalar müzakirə olunacaq.
Eyni zamanda konfransda "Sosial media və din" və "Dini ekstremizmi doğuran səbəblər və həll yolları" mövzularında panel müzakirələrin keçirilməsi, həmçinin din xadimləri üçün təlimlərin təşkili nəzərdə tutulur.Qubada "Dini ekstremizmə qarşı mübarizə" mövzusunda regional konfrans keçiriləcək
