Qubanın Qələdüz kəndində, məktəbin yaxınlığında inəyi elektrik cərəyanı vuraraq öldürüb. Bu barədə ShimalNews 22 iyun tarixində Den.az-a istinadən xəbər verir.
İyunun 20-si axşam saatlarında iribuynuzlu heyvan sürüsü naxırdan qayıdırmış. Bu zaman onlardan biri elektrik dirəyinə bağlanmış metal tora toxunub və bədbəxt hadisə baş verib. Baş verənlər yaxınlıqdakı nəzarət kamerası tərəfindən də qeydə alınıb.
İnəyin sahibi Hünər Əliyev hadisə yerinə gəlib. O, hadisə ilə bağlı DİN-in “102” xidməti - zəng mərkəzi sisteminə, kənd icra nümayəndəliyinə və kənd bələdiyyəsinə məlumat verib. Uzun müddət əraziyə heç bir qurumun nümayəndəsi cəlb edilməyib. Vətəndaş ona dəymiş ziyanın ödənilməsi üçün kimə müraciət edəcəyini bilmir.
Heyvanın yerinə hər hansı uşaq və ya böyük insanın ola biləcəyi təhlükəsi isə əhalidə daha çox narahatlıq yaradır.
[video width="1080" height="1080" mp4="https://shimal.news/storage/photos/2023/06/Sequence-013.mp4"][/video]
