Quba şəhərindəki Mərkəzi meydanda Novruz bayramı ilə əlaqədar kənd təsərrüfatı məhsullarının yarmarkası təşkil edilib. Bu haqda ShimalNews 16 mart tarixində məlumat verir.
Hal-hazırda bazara insan axını davam edir. Hələ ki məhsulların üzərində qiymət yazılmayıb. Sakinlər güman edirlər ki, yaxın saatlarda bu məsələ aradan qaldırılar. Adətən, yarmarkadakı qiymətlər cüzi belə olsa, sərfəli olur. Satışa rayonun bir sıra kəndlərinə məxsus məhsullar təqdim olunub.
Ziyarətçilər arasında rayonun rəhbər şəxslərinin olacağı da gözlənilir.
Meydan ərazisində avtomobillərin hərəkətinə məhdudiyyət qoyulub. Sürücülər alternativ olaraq, Fətəlixan küçəsindən istifadə edə bilərlər.
[caption id="attachment_57714" align="alignnone" width="640"]
Foto ShimalNews[/caption]
