Dövlət Ekoloji Təhlükəsizlik Xidmətinin əməkdaşları Quba rayonu ərazisində ağacların qanunsuz kəsilməsi faktı aşkar edib. Bu barədə ShimalNews 19 aprel tarixində məlumat verir.
Araşdırma zamanı Əski İqrığ kəndinin ərazisində bələdiyyə mülkiyyətində olan torpaq sahəsində vətəndaş Bəhram Babayevin təbiətə ziyan vurduğu müəyyən edilib.
Faktla bağlı akt tərtib olunub. Yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikasının Baş Prokurorluğuna göndərilib.
