Sabah Quba Şəhidlər xiyabanında tədbir keçiriləcək. Bu barədə ShimalNews 26 sentyabr tarixində xəbər verir.
Mərasim 27 Sentyabr – Anım Gününə həsr olunacaq. Burada saat 11:00-da icra hakimiyyətinin, idarə və təşkilatların rəhbərləri, hüquq-mühafizə orqanları, şəhid ailələri və qonaqlar iştirak edəcəklər. Daha sonra ağacəkmə kampaniyası keçiriləcək.
Hazırda şəhərin mərkəzi bayraqlarla bəzədilir.
2020-ci ilin 27 sentyabrında saat 06:00 radələrində Ermənistan silahlı qüvvələri təxribat törədərək cəbhəboyu zonada Azərbaycan Ordusunun mövqelərini intensiv atəşə tutdu. Bu, Qarabağda 44 günlük Vətən müharibəsinin başlanmasına səbəb oldu. Həmin vaxt Azərbaycanda hərbi vəziyyət, komendant saatı və qismən səfərbərlik elan olunmuşdur.
