Millət vəkili Vahid Əhmədov və Quba rayon İcra Hakimiyyəti başçısı Tüləkəran və ətraf kəndlərin sakinləri ilə görüşüblər. Bu haqda ShimalNews 15 mart tarixində məlumat verir.
Deputat və İlqar Mahmudov Amsar-Əski-İqrığ-Gültəpə-Möhüc-Aşağı Tüləkəran-Yenikənd-Tülər-Yuxarı Tüləkəran avtomobil yolunda görülən işlərlə tanış olublar.
Daha sonra Vahid Əhmədov Quba, Xaçmaz, Şabran və ətraf rayonlardan gəlmiş 114 nəfər sakini fərdi qaydada qəbul edib, onların şikayətləri dinlənilib. Qəbul zamanı qaldırılan məsələlərin əsasını bank məsələləri, evlərin təmirinə köməklik, məhkəmə qərarlarının icrası zamanı yaranan qanun pozuntuları, sosial yardımların və əlilliyin təyini ilə yaranan çətinliklər təşkil edib.Bu dəfəki qəbulda, işsizlik problemi ilə əlaqədar müraciət edən vətəndaşların sayında çoxluq qeydə alınıb.
Bir çox məsələlər yerindəcə həllini tapıb, həlli vaxt tələb edən məsələlər isə nəzarətə götürülərək aidiyyəti qurumlara müraciətlərin hazırlanması üçün köməkçiyə tapşırıqlar verilib.
