Qubada məktəbəqədər təhsil müəssisəsində vakant olan tərbiyəçi-müəllim vəzifəsinə yerdəyişmə həyata keçirilir. Bu haqda ShimalNews 8 aprel tarixində məlumat verir.

Quba rayonu Qonaqkənd qəsəbə 8 nömrəli uşaq bağçasında Azərbaycan bölməsində 1 ştat yeri mövcuddur. Maraqlanan şəxslər aprelin 14-ü saat 23:59-dək linkə daxil olaraq qeydiyyatdan keçə bilərlər.

Qeydiyyat zamanı namizəd haqda lazım olacaq məlumatlar:

- Soyad, ad və ata adı

- FİN kod

- İşlədiyi məktəbəqədər təhsil müəssisəsinin adı

- Əmək müqaviləsi

- İşlədiyi məktəbəqədər təhsil müəssisəsinin tabe olduğu rayon

- Yerdəyişmə etmək istədiyi məktəbəqədər təhsil müəssisəsinin adı

- Yerdəyişmə etmək istədiyi məktəbəqədər təhsil müəssisəsinin tabe olduğu rayon

- Təhsili

- Təhsil haqqında sənəd

- Yerdəyişmənin səbəbini təsdiqləyəcək dövlət qurumlarından əldə edilmiş sənəd (yaşayış yerinin dəyişməsi, yoldaşının iş yerinin dəyişməsi, tibbi göstərişlərə əsasən və s.)

- Əlaqə nömrəsi

Tərbiyəçi-müəllimlərin yerdəyişməsi ilə bağlı əsas qeydlər:

Yerdəyişmə ilə bağlı müraciətlərə yaşayış yerinin (rayonu, şəhəri) dəyişməsinə dair müvafiq təsdiqləyici sənəd təqdim edildikdə baxılır.

Bir vakant yerə 2 və daha çox müraciət olarsa, namizədlərə aşağıdakı ardıcıllıqla üstünlük verilir:

- şəhid ailəsi üzvlərinə;

- daha yüksək təhsil pilləsini (səviyyəsini) bitirənlərə;

- pedaqoji stajı daha çox olan tərbiyəçi-müəllimlərə;

- həyat yoldaşının hərbçi, Vətən müharibəsi iştirakçısı, dövlət qulluqçusu olması

- bütün namizədlər TİQ-də və ya DQ-də iştirak ediblərsə, test imtahan balı.

Əgər namizəd istisna hala sahib deyilsə (şəhid ailəsi üzvü, həyat yoldaşının hərbçi, Vətən müharibəsi iştirakçısı və ya dövlət qulluqçusu olması) və TİQ / DQ balı yoxdursa, o zaman namizəd TİQ-də iştirak etməklə istədiyi vakant yer üzrə işə qəbul ola bilər.

Hal-hazırda məktəbəqədər təhsil müəssisələrində müddətsiz əmək müqaviləsi ilə tərbiyəçi-müəllim vəzifəsində işləyən şəxslərin qeydiyyatı nəzərə alınacaq.