Qubadan olan Qarabağ müharibəsi şəhidi Pərviz Şirinbekovun anası xəstəxanaya düşüb. Bu haqda ShimalNews 6 aprel tarixində məlumat əldə edib.
Qəfil halı pisləşən Qalina Şirinbekova Quba Müalicə Diaqnostika mərkəzinin Cərrahiyə şöbəsinə yerləşdirilib. Ona hal-hazırda qan və plazma köçürülür.
Müayinə nəticəsində məlum olub ki, pasiyentin mədəsində yara var. Eləcə də o, böyrək və ödlə bağlı nasazlıq yaşayır. Cərrahi əməliyyat gözlənilir.
Qarabağ şəhidi Pərviz Şirinbekov Azərbaycanın ərazi bütövlüyü uğrunda gedən döyüşlərdə iştirak edib. O, 1993-cü il dekabrın 27-də Şiştəpə döyüşlərində qəhrəmancasına döyüşüb. O, Quba Şəhidlər xiyabanında dəfn olunub.
