Qubada 3-cü “Aqrobiznesin İnkişafı Forumu” keçiriləcək. Bu haqda ShimalNews 28 mart tarixində məlumat verir.
Martın 29-da təşkil olunacaq tədbirdə aqrobiznes sektorunun hazırkı vəziyyəti və perspektivləri, habelə iqlimə davamlı maliyyələşdirmə, subsidiyalar vasitəsilə kənd təsərrüfatının maliyyələşdirilməsi müzakirə olunacaq.
Forum çərçivəsində kənd təsərrüfatının maliyyələşdirilməsində dövlət və özəl maliyyə sektoru qarşısında çağırışlar - Yaşıl Maliyyə və İqlimə Davamlılıq üçün dövlət dəstək alətləri, Kənd təsərrüfatı kooperativlərinin aqrobiznesin inkişafında rolu, Türk Dövlətləri Təşkilatı (TDT) regionunun kənd təsərrüfatı potensialı mövzusunda danışılacaq.
Eyni zamanda paralel sessiyada xarici mütəxəssis tərəfindən müvəkkil təşkilatların əməkdaşları üçün kənd təsərrüfatı kreditləri ilə işin təşkili mövzusunda təqdimat olacaq.
