Qubada narkotik təsiri altında avtomobil idarə edən şəxs saxlanılıb. Bu haqda ShimalNews 10 aprel tarixində Daxili İşlər Nazirliyinin Mətbuat Xidmətinə istinadən məlumat verir.
Dövlət Yol Polisi bölməsinin əməkdaşları tərəfindən “Opel” markalı nəqliyyat vasitəsinin sürücüsü yol hərəkəti qaydalarını kobud şəkildə pozduğuna görə nəzarət-yoxlama qaydasında saxlanılıb. Sürücü İlqar Cəfərovun narkotik vasitənin təsiri altında olmasına dair əsaslı şübhələr yaranıb. O, tibbi müayinədən keçirilib. Nəticədə həmin şəxsin narkotik vasitənin təsiri altında olması sübuta yetirilib.
Cəfərovun barəsində qanunvericiliyə uyğun olaraq protokol tərtib edilib. O, məhkəmənin qərarı ilə inzibati qaydada həbs olunub.
[video width="848" height="480" mp4="https://shimal.news/storage/photos/2023/04/WhatsApp-Video-2023-04-10-at-14.59.391.mp4"][/video]
