Quba şəhərində səyyar kitabxana xidməti təşkil olunub. Bu haqda 14 iyun tarixində ShimalNews Mərkəzləşdirilmiş Kitabxana Sisteminə istinadən məlumat verir.
Tədbir şəhər 4 saylı tam orta məktəbində keçirilib. Səyyar kitabxana xidmətinin təşkil edilməsində əsas məqsəd müəllim və şagirdləri mərkəzi kitabxananın fonduna yeni daxil olan nəşrlərlə tanış etmək, yay tətili günlərində onların asudə vaxtlarının səmərəli təşkilinə, mütaliə vərdişlərinin və mütaliə mədəniyyətinin inkişaf etdirilməsinə, kitaba və kitabxanalara marağın artırılmasına yönəldilib.
