Qubada bir çox kənd tibb məntəqələri kağız üzərində fəaliyyət göstərir. Bu barədə ShimalNews 11 aprel tarixində Real TV-yə istinadən məlumat verir.
Ərməki-Qışlaq, Aşağı Xuc, Ağbil, Digah və Hacıqayıb kəndlərində tibb müəssisələrin qapıları iş saatlarında vətəndaşların üzünə bağlıdır.
Əliməmmədoba kənd tibb məntəqəsi isə açıq olmasına baxmayaraq, sadə tibbi ləvazimatla belə təmin edilməyib.
Sadalanan kəndlərin sakinləri sadə tibbi yardıma ehtiyac olduqda məcbur qalaraq rayon mərkəzinə üz tuturlar.
Məsələ ilə bağlı Quba RMX-nin ictimaiyyətlə əlaqələr üzrə mütəxəssisi Aynur Seyidova açıqlama verib. Onun sözlərinə görə, bağlı kənd məntəqələrinə vakansiya elan edilib. Namizədlər müraciət etdikdə orada fəaliyyət icra edəcəklər. Bəzi məntəqələrdə isə patronaj xidməti tətbiq olunmağa başlayıb. Işçilər ərazi üzrə ev ziyarətlərində olurlar.
Dərman təminatı isə ambulator xidmət üçün nəzərdə tutulmayıb. Tibb bacısı olan məntəqələr yalnız peyvənd işləri görə bilərlər.
[video width="1080" height="1080" mp4="https://shimal.news/storage/photos/2023/04/Qubanin-faaliyyatsiz-tibb-mantaqalari1.mp4"][/video]
