Ölkə ərazisində nikahları rəsmi qeydə alınmış 17 yaşda olan yeniyetmələrin sayı açıqlanıb. Bu haqda ShimalNews 26 iyun tarixində Lent.az-a istinadən məlumat verir.
2022-ci il ərzində şəxslərin bu yaşda rəsmi nikaha daxil olması halı Quba rayonu üzrə 7 nəfər, İsmayıllı rayonu üzrə 3 nəfər, Xaçmaz rayonu üzrə isə 2 nəfər qeydə alınıb.
Məlumat üçün bildirək ki, bu rəqəm Bakıda 13 olub.
Ailə Məcəlləsinin 10-cu maddəsinə əsasən, nikah yaşı həm oğlanlar, həm də qızlar üçün 18 yaş müəyyən olunub, üzrlü səbəblər olduqda, nikaha daxil olmaq istəyən və nikah yaşına çatmamış şəxslərin yaşadıqları ərazinin müvafiq icra hakimiyyəti orqanı onların xahişi ilə nikah yaşının 1 ildən çox olmayaraq azaldılmasına icazə verə bilər.
