Quba rayonunda regionun gənc müəllimləri ilə görüş keçirilib. Bu haqda ShimalNews 1 fevral tarixində məlumat verir.
2 Fevral - Gənclər Gününə həsr olunan tədbir rayon Mədəniyyət Mərkəzində baş tutub. Görüşdən öncə icra başçısı İlqar Mahmudov, Quba-Xaçmaz Regional Təhsil İdarəsinin müdiri Coşğun Əliyev, Quba-Xaçmaz Regional Gənclər və İdman İdarəsinin rəisi Nəcəf Novruzov, Quba-Xaçmaz Regional Mədəniyyət İdarəsinin rəis müavini Şahin İsrafilov və bir qrup gənc müəllim Mədəniyyət və İstirahət parkında Heydər Əliyevin abidəsini ziyarət ediblər. Daha sonra pedaqoji heyət ilə ölkəmizdə inkişaf etdirilən təhsil strategiyası haqda danışılıb.
Tədbirin sonunda ayrı-ayrı sahələr üzrə fərqlənmiş bir qrup gənc təhsil işçisinə Fəxri Fərman və hədiyyələr təqdim edilib, tədbir bədii hissə ilə davam edib.
