Quba rayonu ərazisində sanitariya-gigiyena qaydalarına əməl edilməsi yoxlanılıb. Bu haqda ShimalNews 28 iyul tarixində DİN-in Mətbuat Xidmətinə istinadən məlumat verir.
İctimai Təhlükəsizlik Bölməsinin əməkdaşları şəhər və Susay, Alpan, Hacıhüseynli kəndləri ərazilərində sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi faktlarını aşkar ediblər.
İnzibati Xətalar Məcəlləsinin müvafiq maddəsinin tələblərini pozduqlarına görə hər 3 kəndin bələdiyyə sədrləri barələrində, eləcə də şəhər ərazisində obyekt sahibi barəsində inzibati tənbeh tədbiri tətbiq olunub.
Bu istiqamətdə tədbirlər davam etdirilir.
[video width="1920" height="1080" mp4="https://shimal.news/storage/photos/2023/07/video22.mp4"][/video]
