Qubada “31 Mart - Azərbaycanlıların soyqırımı: Qanlı faciədən şanlı Zəfərə” mövzusunda elmi-praktik konfrans keçirilib. Bu haqda ShimalNews 1 aprel tarixində “Azərtac”a istinadən məlumat verir.
Dövlət Pedaqoji Universitetində baş tutan konfransda Türk Ağsaqqalları İctimai Birliyinin (TAİB) İdarə Heyətinin üzvləri, tanınmış ziyalılar, filialın rəhbərliyi, professor-müəllim və tələbə heyəti iştirak ediblər.
Pedaqoji Universitetin Quba filialının akt zalında keçirilən konfransda əvvəlcə ulu öndər Heydər Əliyevin, soyqırımı qurbanlarının və şəhidlərimizin xatirəsi bir dəqiqəlik sükutla yad olunub. Tədbirdə çıxış edən TAİB-nin sədri, YAP Veteranlar Şurasının üzvü, tibb elmləri doktoru, akademik Südeif İmamverdiyev ulu öndər Heydər Əliyevin Azərbaycan xalqı qarşısındakı xidmətlərindən və 31 Mart – Azərbaycanlıların soyqırımına hüquqi, siyasi və tarixi qiymətin verilməsindəki rolundan danışıb.
Sonda türk xalqları arasında inteqrasiya prosesinin inkişafında müstəsna xidmətlərinə və elmi-praktik konfransda fəal iştirakına görə TAİB-nin İdarə Heyətinin üzvləri Mübariz Süleymanlı, Sara Göyçəli, Məcid Hacıyev və Akif Cabbarov Fəxri diplomla təltif olunublar.
