Qubada fəaliyyət göstərən zavod havanı çirkləndirir. Bu haqda 26 iyun tarixində ShimalNews Ekologiya və Təbii Sərvətlər Nazirliyinə istinadən məlumat verir.
Dövlət Ekoloji Təhlükəsizlik Xidmətinin əməkdaşları tərəfindən monitorinqlər keçirilib. Nəticədə Amsar kəndində fəaliyyət göstərən asfalt-beton zavodunda təmizləyici qurğu quraşdırılmadığı aşkar edilib və havaya normadan artıq tullantı atıldığı müəyyən olunub.
Faktla bağlı akt tərtib edilib. “11 nömrəli Xüsusi Təyinatlı Yol İstismarı İdarəsi” MMC-yə məxsus müəssisənin hüquqi şəxs qismində cərimələnməsi məqsədilə toplanmış sənədlər Quba rayon Məhkəməsinə göndərilib.
Zavodda təmizləyici qurğunun quraşdırılması və nöqsanların aradan qaldırılması üçün müəssisənin rəhbəri Hikmət Seyidova məcburi göstəriş verilib.
