Quba rayonunda ağacların qanunsuz kəsildiyi aşkar olunub. Bu haqda ShimalNews 14 mart tarixində məlumat verir.
Dövlət Ekoloji Təhlükəsizlik Xidmətinin əməkdaşları tərəfindən aparılan nəzarət tədbirləri zamanı Amsar kəndində Etibar Əkbərov tərəfindən ağacların kəsildiyi və təbiətə ziyan dəydiyi müəyyən edilib.
Faktla bağlı akt tərtib edilib. Yaşıllıqlara dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Baş Prokurorluğa göndərilib.
