Azərbaycanda 5,1 maqnitudalı zəlzələ baş verib.
Shimal.News xəbər verir ki, AMEA nəzdində Respublika Seysmoloji Xidmət Mərkəzinin məlumatına görə, yeraltı təkan yerli vaxtla saat 15:13-də Qəbələ rayonu ərazisində qeydə alınıb.
Bildirilib ki, zəlzələnin episentri Qəbələ stansiyasından 11 kilometr cənub-qərbdə yerləşib və ocaq 42 kilometr dərinlikdə olub.
Yeraltı təkan episentrdə və ona yaxın yaşayış məntəqələrində 5–3 bal gücündə hiss edilib. Zəlzələ bir sıra digər rayonlarda da hiss olunub.
İlkin məlumata görə, təbii hadisə nəticəsində dağıntı və ya xəsarət alanlarla bağlı rəsmi məlumat verilməyib.
