21 yaşadək futbolçulardan ibarət Azərbaycan yığma komandası (U-21) 2026-cı ildəki ilk təlim-məşq toplanışına start verib.
Shimal.News xəbər verir ki, Mərdəkanda yerləşən Milli Komandaların Təlim-Məşq Mərkəzində başlayan hazırlıq prosesi Qəbələ futbol məktəbi üçün də sevindirici xəbərlə yadda qalıb. Belə ki, AFFA-nın məlumatına əsasən, "Qəbələ" klubunun futbolçusu Ceyhun Bağırzadə U-21 millinin heyətinə cəlb edilib.
O, "Səbail"in futbolçusu Emin Rüstəmovu əvəzləyib. Bu dəyişiklik Qəbələ klubunun gənc futbolçularının milli səviyyədə diqqət mərkəzində olduğunu bir daha göstərib.
Qeyd edək ki, baş məşqçi Rəşad Eyyubovun rəhbərlik etdiyi U-21 millisi təlim-məşq toplanışı çərçivəsində iki yoxlama oyunu keçirəcək. Komanda yanvarın 16-da "Səbail", yanvarın 17-də isə "Şamaxı" ilə üz-üzə gələcək.
Təlim-məşq toplanışı yanvarın 17-dək davam edəcək.
