"Qayğıya ehtiyacı və Əlilliyi olan Şəxslərə Dəstək" İctimai Birliyinin İsmayıllı rayonu üzrə nümayəndəliyi Vətən müharibəsinin qazisi Anar Allahverdiyevi ziyarət ediblər. Bu haqda ShimalNews 14 fevral tarixində adıçəkilən birliyə istinadən xəbər verir.
Görüşdə birliyin Fəxri üzvü Ələviyyə Həsənova, sədr müavini Günay Beybutova, Əlizamin Abdullayev iştirak ediblər. Ziyarətçilər qazinin vəziyyəti ilə yaxından tanış olub, bir neçə problemin həlli istiqamətində addımlar atıblar.
Söhbət zamanı məlum olub ki, Anar ailə həyatı qurmaq istəyir. Lakin bunun üçün ailəsinin imkanı yoxdur. Birlik nümayəndələri yaxın gələcəkdə Anarın toy məclisinin təşkil olunmasında yardımçı olacaqlarını vurğulayıblar.
