Fevralın 11-nə olan faktiki hava açıqlanıb.
Bu barədə Shimal.News-a Milli Hidrometeorologiya Xidmətindən məlumat verilib.
Şimal rayonlarına yağan qar örtüyünün hündürlüyü Qaxda (Sarıbaş) 28, Şamaxıda 8, Qubada 6, Xızı, Xaltanda 4, İsmayıllı, Qəbələ, Qusarda 1 sm-dir.
Düşən yağıntının miqdarı isə Oğuz, Ağsuda 9, Şahdağ, Şabranda 3, Şəki, Zaqatala, Balakəndə 1 mm-dir.
Şamaxı, Quba, Qusar, Qrız, Qax (Sarıbaş), Şəki, Oğuz, Balakəndə duman müşahidə olunur, görünüş məsafəsi 500 metrədək məhdudlaşır.
Ölkə ərazisində müşahidə olunan yağıntının 11-i axşamdan tədricən kəsiləcəyi, 12-13-də havanın mülayimləşəcəyi, əksər rayonlarda əsasən yağmursuz keçəcəyi, temperaturun yüksələcəyi gözlənilir.
