Qaxda ər arvadını yumruqladıqdan sonra adapteri başına vurub.
Shimal.News-un əldə etdiyi məlumata görə, hadisə bu ilin yanvarın 14-də baş verib.
Məhkəmə materiallarına görə, 1993-cü il təvəllüdlü Ağsu rayon sakini Həmid Qaxda kirayə yaşadıqları evdə həyat yoldaşı Elnarə ilə mübahisə edib. Mübahisəyə səbəb qadının onun ünvanına kobud ifadələr işlətməsi olub.
Təqsirləndirilən Həmidin sözlərinə görə, həyat yoldaşı Qax rayonunda işləyir. O, Bakı şəhərinə getməyi təklif etdiyi zaman zərərçəkmiş şəxs razılaşmayıb. Bundan sonra aralarında mübahisələr başlayıb.
O qeyd edib ki, arvadından adapter istədiyi zaman həyat yoldaşı nalayiq ifadələr işlədərək, telefonun enerji yükləyicisini onun üstünə atıb. O da qarşılığında adapteri zərərçəkmiş şəxsə atıb və qadının başına dəyib. Daha sonra qadına yumruq zərbələri endirib.
Həmid bildirib ki, Elnarə ilə barışmağı qarşılığında ona avtomobil verib, adına rəsmiləşdirəcəyi təqdirdə barışacağı təklif olunub.
Elnarənin sözlərinə görə, əslində onların münaqişəsi birinci deyil, dəfələrlə belə hadisələr baş verib.
Qax Rayon Məhkəməsinin hökmü ilə Elşən 6 ay müddətə azadlığın məhdudlaşdırılması cəzasına məhkum edilib.
Əsmər Sənani
