Dövlət Turizm Agentliyinin Şəki Regional Turizm İdarəsi tərəfindən Qax rayonu üzrə bələdçi xəritə hazırlanıb.
Shimal.News xəbər verir ki, xəritədə Qax rayonunun mərkəzində və kəndlərində yerləşən tarixi abidələr, muzeylər, dağ cığırları, eləcə də turistlər üçün vacib olan digər məlumatlar əks olunub.
Azərbaycan və ingilis dillərində hazırlanan bələdçi xəritə rayonda fəaliyyət göstərən yerləşmə obyektləri, ictimai iaşə müəssisələri və digər turizm məkanlarına paylanılıb. Qaxa səfər edən turistlər xəritəni həmin məkanlardan ödənişsiz əldə edə bilərlər.
