Azərbaycan Dövlət Pedaqoji Universitetinin (ADPU) Quba filialında narkomaniyanın fəsadlarından bəhs edən maarifləndirmə tədbiri keçirilib. Bu barədə ShimalNews 15 mart tarixində məlumat verir.
Quba Rayon Polis Şöbəsinin əməkdaşı polis polkovniki Mehman Əliyev “Narkomaniyaya yox deyək” mövzusunda danışıb. Bildirilib ki, narkotiklər bir nəfərin yox, ümumiyyətlə, cəmiyyətin problemidir. Daxili İşlər Nazirliyi (DİN) ölkədə genişmiqyaslı mübarizə əməliyyatları keçirir.
Daha sonra polis polkovniki Vüsal Rüstəmov gənclərə daim diqqətli olmalarını, narkotik vasitələrin qanunsuz dövriyyəsi ilə məşğul olan şəxslər haqqında məlumat əldə etdikdə bu barədə valideynlərinə, müəllimlərinə və polisə məlumat vermələrinin vacib olduğunu bildirib.
