Qusar rayonunda “Narkomaniyaya “Yox” deyək” mövzusunda tədbir keçirilib. Bu haqda ShimalNews 3 may tarixində məlumat verir.
Tədbir 5 saylı tam orta məktəbdə baş tutub. Burada polis əməkdaşları, RİH-nin nümayəndəsi Kamran Sədullayev, RMX-nin həkimi Təranə Şinqarova, məktəbin şagird və müəllimləri iştirak ediblər.
Görüşdə bütün dünyada “Ağ ölüm” adlandırılan narkotik vasitələrin cəmiyyətimiz üçün yaratdığı fəsadlardan danışılıb. Daha sonra “Erkən nikah və onun fəsadları” mövzusunda məlumat verilib.
Sonda məktəbliləri maraqlandıran suallar cavablandırılıb.
