Oğuz rayonunun Padar kəndinin yolları uzun illərdir ki, təmir olunmur. Artıq kənddaxili yollar yararsız vəziyyətə düşüb.
Bu barədə Shimal.News-a danışan yerli sakinlərin sözlərinə görə, Padarın 3 min nəfərə yaxın əhalisi var.
"Bu yollar bizi lap təngə gətirib. Yayda toz içində qalan kənd yolları payız və qış aylarında isə keçilməz olur. Avtomobillərin hərəkətində çətinlik yaranır, piyadaların hərəkəti isə demək olar ki, mümkünsüzə çevrilir. Yağış suları ilə dolan çalalar və palçıq qatı ilə örtülən küçələr vəziyyəti daha da ağırlaşdırır.
Bir neçə dəfə yollarda cüzi təmir işləri aparılsa da, əsaslı təmir-bərpa işləri görülməyib", - deyə sakinlər bildiriblər.
