Siyəzən şəhər Mikayıl Müşfiq adına 2 nömrəli tam orta məktəbin ibtidai sinif müəllimi dünyasını dəyişib.
Shimal.News xəbər verir ki, bu baradə sözügedən məktəb paylaşım edib.
“Dərin kədər və üzüntü ilə bildiririk ki, Həcər Atdıxan qızı Dadaşova 69 yaşında, uzun sürən xəstəlikdən sonra dünyasını dəyişib. Həcər xanım ömrünün böyük bir hissəsini gənc nəslin təlim-tərbiyəsinə həsr edib, uzun illər ərzində orta məktəbdə ibtidai sinif müəllimi kimi fəaliyyət göstərib. Öz səmimiyyəti, zəhmətsevərliyi və peşəsinə olan sədaqəti ilə həm şagirdlərinin, həm də həmkarlarının dərin hörmətini qazanıb. Onu tanıyan hər kəs xatirəsini sevgi və ehtiramla yad edəcək. Allah rəhmət eləsin”, - deyə məktəbin paylaşımında qeyd edilib.
