Oğuz-Xalxal avtomobil yolunun kənarında antisanitar vəziyyət yaranıb.
Xalxal kəndinin sakinlərinin Shimal.News-a verdiyi məlumata görə, yolun meşəlik ərazidən keçən hissəsinə atılan tullantılar uzun müddətdir ki, ərazidən təmizlənmir.
Sakinlər bildiriblər ki, hər il kəndə çoxlu sayda turist səfər edir və yol kənarında yaranan bu mənzərə kənd barədə mənfi təəssürat yaradır.
Qeyd olunub ki, antisanitar vəziyyətin yarandığı ərazi Azərbaycan Avtomobil Yolları Dövlət Agentliyinin Oğuz Yol İstismarı MMC-nin balansındadır.
