Dövlət İmtahan Mərkəzi 18 yanvar 2026-cı il tarixində magistraturaya qəbul olmaq istəyənlər üçün sınaq imtahanı keçirəcək.
Shimal.News xəbər verir ki, imtahan Bakı şəhərində DİM-in elektron imtahanlar korpusunda və Mərkəzin Naxçıvan, Gəncə, Şəki, Şəmkir, Göyçay, Şirvan, Bərdə, Lənkəran, Xaçmaz şəhərlərində yerləşən regional bölmələrinin inzibati binalarında təşkil olunacaq.
İştirak haqqı 40 AZN-dir, "buraxılış vərəqəsi" imtahandan 4-5 gün əvvəl DİM-in saytında yerləşdiriləcək. Testlər məntiqi təfəkkür, informatika və xarici dil üzrə olacaq, xarici dil blokunda esse də yazılacaq. Ümumi imtahan müddəti 3 saat 30 dəqiqədir.
Qeyd olunur ki, magistratura qəbulunun I cəhdi fevralda keçiriləcək.
