Həmkəndlisinin evindən qızıl və pul oğurlayan İsmayıllı sakini tutulub. Bu haqda ShimalNews 14 fevral tarixində Daxili İşlər Nazirliyinin Mətbuat Xidmətinə istinadən xəbər verir.
Oğurluq gecə saatlarında Qubaxəlilli kəndində yerləşən fərdi yaşayış evindən edilib. Evə daxil olan naməlum şəxs 1500 manat dəyərində qızıl-zinət əşyaları və pul oğurlayıb.
Polis əməkdaşları təxirəsalınmaz əməliyyat tədbiri keçiriblər. Nəticədə hadisəni törətməkdə şübhəli bilinən Kamran Qarayev tutularaq istintaqa təqdim edilib. Onun yaşadığı ünvanda gizlətdiyi oğurluq qızıllar aşkar edilib və maddi sübut kimi götürülüb.
Araşdırma aparılır.
