İsmayıllıda yerləşən marketlərin birində yararlılıq müddəti bitmiş məhsullar satılır. Bu haqda 7 aprel tarixində ShimalNews Qida Təhlükəsizliyi Agentliyinə (AQTA) istinadən xəbər verir.
Agentlik tərəfindən H.Əliyev prospektində fəaliyyət göstərən fiziki şəxs Oqtay Hacıyevə məxsus marketdə planlı yoxlama keçirilib. Monitorinq zamanı burada aşkar edilən nöqsanlar aşağıdakılardır:
- müəssisədə qida təhlükəsizliyi sahəsində normativ hüquqi aktların tələblərinin pozulduğu,
- yararlılıq müddəti bitmiş mallar üçün xüsusi yerin ayrılmadığı,
- unlu məmulatların müvafiq rəflərdə saxlanılmadığı,
- mexaniki havalandırma sisteminin quraşdırılmadığı,
- mütəmadi təmizlik işlərinin aparılmadığı,
- bəzi məhsulların birbaşa döşəmənin üzərində saxlanıldığı,
- həmçinin yararlılıq müddəti bitmiş məhsulların satışının həyata keçirildiyi məlum olunub.
Yararlılıq müddəti bitmiş məhsullar satışdan çıxarılıb. Müəssisənin rəhbəri inzibati məsuliyyətə cəlb olunub.
