İsmayıllıda narkotikin təsiri altında avtomobil idarə edən sürücü tutulub. Bu barədə ShimalNews 3 aprel tarixində Daxili İşlər Nazirliyinə istinadən məlumat verir.
Dövlət Yol Polisinin əməkdaşları “VAZ-21099” markalı avtomobilin işıq cihazları nasaz olduğu üçün nəzarət qaydasında saxlayıblar.
Yoxlama zamanı sürücü Gülağa Cəbiyevin narkotikin təsiri altında olmasına dair şübhələr yaranıb. Onun tibbi müayinədən keçirilməsi təmin edilib və nəticədə narkotik vasitə qəbul etdiyi sübuta yetirilib.
Saxlanılan şəxs barəsində İnzibati Xətalar Məcəlləsinin 333.1-ci (Nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə) maddəsi ilə protokol tərtib edilərək barəsində qanunamüvafiq tədbir görülüb.
