İsmayıllı rayonunun Quşencə kəndi ərazisində yerləşən evlərdən silsilə oğurluqlar edən şəxs tutulub. Bu barədə ShimalNews 5 aprel tarixində Daxili İşlər Nazirliyinə istinadən məlumat verir.
Ümumilikdə 6 evdən samovar və mis materialdan olan digər məişət əşyalarını oğurlayan naməlum şəxs zərərçəkənlərə 2300 manat maddi ziyan vurub.
Rayon polis şöbəsinə hadisələrlə bağlı məlumat daxil olub. Keçirilən əməliyyat nəticəsində talamaqla məşğul olan şəxsin elə həmin kənd sakini Raqub Hacılı olduğu müəyyən edilib.
Araşdırma zamanı saxlanılan şəxsin oğurladığı samovarları rayon ərazisində ayrı-ayrı misgərlərə satdığı məlum olub. Davam etdirilən tədbirlərlə həmin əşyaların da əksəriyyəti satdığı şəxslərdən götürülərək maddi sübut kimi istintaqa təhvil verilib.
Faktla bağlı cinayət işi başlanılıb, R.Hacılının digər analoji əməllərdə iştirakının olub-olmaması araşdırılır.
[caption id="attachment_39241" align="alignnone" width="640"]
Foto DİN[/caption]
