İsmayıllıda 2 Fevral - Azərbaycan Gəncləri Günü münasibətilə tədbir keçirilib. Bu barədə ShimalNews 2 fevral tarixində RİH-yə istinadən məlumat verir.
Tədbir İcra Hakimiyyətinin dəstəyi, rayon Gənclər və İdman İdarəsinin təşkilatçılığı ilə baş tutub. Burada RİH-nin əməkdaşları, şəhid anası, qazilər və rayonun fəal gəncləri iştirak ediblər.
İlk növbədə Şəhidlər xiyabanı və ulu öndər Heydər Əliyevin abidəsi ziyarət olunub, nitqlər söylənib. Həmçinin rayonun fəal gənci Ülvi Osmanov “Heydər Əliyev və Azərbaycan gəncliyi” mövzusunda məruzə ilə çıxış edib.
Sonda bir qrup gənc rayonun ictimai həyatında fəal iştirakına və səmərəli fəaliyyətinə görə Gənclər və İdman İdarəsinin fəxri fərmanları ilə təltif olunub və xatirə şəkilləri çəkilib.
