İsmayıllıda “Dəyərlərimizə sahib çıxaq” layihəsi çərçivəsində maarifləndirici tədbir keçirilib. Bu haqda ShimalNews 15 fevral tarixində İsmayıllı RİH-yə istinadən məlumat verir.
Heydər Əliyev Mərkəzində baş tutan görüşdə şagird və müəllim kollektivi, tələbələr və rayon ziyalıları iştirak ediblər. Tədbirdə çıxış edən RİH-nin İctimai-siyasi və humanitar məsələlər şöbəsinin müdir müavini Nəsimi Teymurov və tarix üzrə fəlsəfə doktoru Afət Rüstəmbəyova mövzu haqqında geniş məruzələrlə çıxış ediblər. Onlar gənclərə milli-mənəvi dəyərlərimizə hörmətlə yanaşmalarını, milli kimliyimizi dərindən öyrənmək və onları gələcək nəsillərə çatdırmağı tövsiyə ediblər.
Tədbir “Sağlam Yaşa” Gənclərin Maarifləndirilməsi İctimai Birliyi Azərbaycan Respublikasının Gənclər Fondunun maliyyə dəstəyi ilə baş tutub.
