İsmayıllı rayonunun Talıstan kənd tam orta məktəbində çalışan müəllim Azərbaycanda keçirilən müsabiqənin qalibi olub. Bu barədə ShimalNews 27 mart tarixində AzEdu.az təhsil portalına istinadən xəbər verir.
Milli Məclisin Mədəniyyət komitəsi və təhsil portalının birgə keçirdiyi "İlin Gənc Müəllimi-2022" müsabiqəsi yekunlaşıb. Tarix müəllimi Orxan Əhmədov müsabiqədə 77 bal toplayaraq (Münsiflər 57; Səsvermə 20) 1-ci yerə layiq görülüb.
2-ci yeri Ucar rayonunun Alpı kənd tam orta məktəb müəllimi Səidə Quliyeva, 3-cü yeri isə Lənkəran rayonu Jidi kənd ümumi orta məktəb müəllimi Leyla Qarayeva qazanıblar.
