İsmayıllı rayonunun Zeyvə kəndində 42 uşağın kiçik arzuları reallaşdırılıb. Bu barədə ShimalNews 27 mart tarixində “ASAN Könüllüləri”nə istinadən xəbər verir.
"ASAN Könüllüləri" Təşkilatı Novruz bayramında “ASAN Məktub” sosial proqramını həyata keçiriblər. Uşaqların arzuladığı hədiyyələr onlara təqdim edilib.
“ASAN Məktub” layihəsi “Sevinc paylaşdıqca çoxalır” prinsipinə əsaslanaraq, arzu və xəyalları gerçəkləşdirir. Onun məqsədi qədim xeyirxahlıq ənənələrinə malik olan ölkəmizdə əvəzsiz bir sosial fəaliyyətin başlanğıcını qoymaq, heç bir maddi qazanc güdmədən uşaqlara sevinc yaşatmaq, üzlərinin gülməsinə səbəb olmaqdır. Hədəf isə respublika ərazisində yaşayan uşaq evlərinin, aztəminatlı ailələrin və kənardan qulluğa ehtiyacı olan uşaqların arzularını həyata keçirməkdir.
Bu prosesdə dəstək olan hər bir vətəndaşa təşkilat minnətdarlıq bildirib. Siz də www.asanmektub.az saytına daxil olaraq məktub öhdəliyə götürə bilərsiniz.
