İsmayıllıda yerləşən fərdi sahibkara məxsus fermer təsərrüfatı sahəsində təlim-təcrübə səfəri baş tutub. Bu barədə ShimalNews 31 mart tarixində İsmayıllı Dövlət Peşə Təhsil Mərkəzinə istinadən məlumat verir.
Səfər Dövlət Peşə Təhsil Mərkəzinin "Heyvandarlıq mütəxəssisi" qrupunun tələbələri üçün təşkil edilib. Fermer gənclərə heyvanların yemlənməsi, saxlanma şəraiti, heyvanlarda rast gəlinən xəstəliklər və bu zaman istifadə olunan vaksinlər haqqında ətraflı məlumat verib.
Sonda fermer onun qonaqlarını maraqlandıran sualları cavablandırıb, təsərrüfat sahəsindəki gələcək iş imkanları barədə məlumat verib.
