İsmayıllıda şəhid Emin Ağazadəyə həsr olunan “Cəsur döyüşçü” kitabının təqdimat mərasimi keçirilib. Bu haqda ShimalNews 7 aprel tarixində RİH-yə istinadən xəbər verir.
Tədbir Ceyhun Həsənov adına Kürdmaşı kənd tam orta məktəbində təşkil olunub. Burada şəhidlərin valideynləri, icra hakimiyyətinin və digər dövlət qurumlarının rəhbər şəxsləri iştirak ediblər.
Emin 1991-ci il mart ayının 22-də Kürdmaşı kəndində anadan olub. Müharibənin başladığını eşitdikdən sonra hərbi komissarlığa gedib, könüllü olaraq qeydiyyatdan keçib. Oktyabrın 5-i təlimlərə çağırılıb. 2 həftə təlimlərə qatıldıqdan sonra ön cəbhəyə yollanıb. Cəbrayıl uğrunda gedən döyüşlərdə 2 gecə qəhrəmancasına vuruşub. Oktyabrın 25-i Laçın istiqamətində gedən döyüşlərdə gizli şəkildə postu tərk edərək xüsusi təyinatlılara qoşulub, döyüş bölgəsinə gedib və şəhidlik zirvəsinə yüksəlib.
