İşsiz və işaxtaran şəxslər İsmayıllı şəhərində əmək yarmarkasından yararlana bilərlər. Bu barədə ShimalNews 15 fevral tarixində Dövlət Məşğulluq Agentliyinə istinadən məlumat verir.
"İsmayıllı Tikiş Evi” müəssisəsində vakansiyalar üzrə işə qəbul olunmaq istəyən şəxslər müraciət edə bilərlər. Onlar yarmarkaya gələn zaman şəxsiyyət vəsiqələrini təqdim etməlidirlər.
Namizədlərin CV nümunəsi ilə birlikdə gəlmələri arzuolunandır.
Əgər tərcümeyi-hal yoxdursa, Dövlət Məşğulluq Agentliyi tərəfindən istifadəyə verilən CV Yarat platformasından (www.cvyarat.az) yararlanmaq olar.
Vakansiyalar və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Ünvan: İsmayıllı şəhəri, H.Əliyev prospekti, 30;
Tarix: 17 fevral, saat 10:00 – 12:00.
