İsmayıllı Dövlət Peşə Təhsil Mərkəzi tələbələri üçün rəssam-dizayner seminar keçirib. Bu haqda 5 aprel tarixində Shimal.news mərkəzə istinadən xəbər verir.
Seminar Hökmdar Qurbanovun təqdimatında “Nəbati və Həndəsi Xalça təsvirləri rəqəmsal naxışda” mövzusunda təşkil edilib. İştirakçılara xalça sənəti üzrə, naxışların xalçalarımıza xas olan həndəsi formada düzülüşü, təbiətdə bitki növlərinin nəbati və həndəsi formada stilizə olunmuş formalarının xalçalarımızda təsviri barədə məlumatlar verilib.
Qurbanov Azərbaycan Dövlət Rəssamlıq Akademiyasının bədii xalça üzrə magistratura məzunu, bədii xalça və keramika üzrə peşəkar rəssam-dizaynerdir.
