İsmayıllı RPŞ-nin əməkdaşları məktəblilər üçün keçirilən maarifləndirici tədbirdə iştirak ediblər. Bu haqda 13 aprel tarixində Shimal.news məlumat verir.
Görüş İvanovka kənd tam orta məktəbində təşkil edilib. Tədbir zamanı polis əməkdaşları yeniyetmələr tərəfindən, eləcə də onlara qarşı törədilən hüquq pozmalar, onların istismara, zorakılığa məruz qalması hallarından, məktəblilər tərəfindən yol verilən hüquq pozuntularının hüquqi nəticələri barədə məlumat veriblər.
Yetkinlik yaşına çatmayanlarla profilaktika işinin təşkili qrupunun baş inspektoru, polis mayoru Rahim Orucov, sahə rəisləri, polis kapitanı Əşrəf Rüstəmzadə, polis leytenantı Zahir Məhərrəmli şagirdləri maraqlandıran sualları cavablandırıblar.
