İsmayıllıda nərd oyunu üzrə rayon birinciliyi keçirilib. Bu barədə ShimalNews 2 mart tarixində rayon Gənclər və İdman İdarəsinə istinadən məlumat verir.
5 mart - Bədən Tərbiyəsi və İdman Günü münasibətilə təşkil edilən yarışa müxtəlif yaş qruplarını əhatə edən qazilər, veteranlar, müəllimlər və gənclər qatılıblar. Əlisahab Əzizov gərgin və maraqlı yarışın 1-cisi, Elşad Baxşiyev 2-cisi, Oktay Əliyev isə 3-cüsü olublar.
Qaliblər İsmayıllı rayon Gənclər və İdman İdarəsi tərəfindən diplomla təltif ediliblər. Azərbaycan Təhsil İşçiləri Azad Həmkarlar İttifaqı İsmayıllı rayon komitəsi isə onlara pul mükafatları təqdim edib.
