İsmayıllı Dövlət Peşə Təhsil Mərkəzinin tələbələri növbəti təlim-təcrübə səfərində olublar. Bu haqda ShimalNews 15 fevral tarixində mərkəzə istinadən məlumat verir.
Səfər "Castle Resort&Spa" hotelinə təşkil edilib. Təlimdə "dual təhsil" proqramı üzrə təhsil alan "Aşpaz" və "Turizm sahəsində iaşə üzrə mütəxəssis" qruplarının tələbələri iştirak ediblər. Hotelin əməkdaşları gənclərə "Front office", "SPA", "Castle-Restoran" "Housekeeping" və digər şöbələrin fəaliyyəti haqqında ətraflı məlumat veriblər.
Görüşün sonunda hotelin baş meneceri Hikmət Əliyev tələbələrə işə qəbul mexanizmləri haqda ustad dərsi keçib və hoteldə iş imkanları haqda danışıb.
