İsmayıllı sakinini öldürüb meyitini yandırmaqda təqsirləndirilən şəxslərə hökm oxunub. Bu haqda ShimalNews 24 yanvar tarixində "Report"a istinadən məlumat verir.
Bakı Ağır Cinayətlər Məhkəməsində keçirilən prosesdə Ümidvar İbişov 17 il 6 ay, Elvin Əliyev isə 17 il 9 ay 15 gün müddətinə azadlıqdan məhrum ediliblər.
Adıçəkilən şəxslər 2020-ci ilin mart ayında 1978-ci il təvəllüdlü Rəşad Məmmədovu öldürmək barədə qabaqcadan razılığa gəliblər. Elvin Əliyev Rəşadı narkotik asılılıqdan müalicə almaq üçün tibb müəssisəsinə yerləşdirmək adı ilə Bakı şəhərinin Qaradağ rayonu ərazisindən Yasamal rayonu istiqamətində aparıb. O, mərhumu “Hyundai” markalı avtomobilə əyləşdirib hərəkətdə olarkən kəmərlə boğub.Əməlinin izini gizlətmək üçün meyitini İsmayıllı rayonunun Tubu kəndinə gətirib və Ümidvar İbişovla birgə onu yandırıblar.
Şəxsi münasibətlər zəminində baş verən hadisə haqda məlumat vermişdik.
