İsmayıllıdan olan Avropa çempionu Nihat İskəndərov məktəblilərlə görüşüb. Bu barədə ShimalNews 1 mart tarixində sosial şəbəkələrə istinadən məlumat verir.
Tədbir İsmayıllı şəhər Natiq Behdiyev adına 6 saylı tam orta məktəbdə “İdman həftəsi” çərçivəsində təşkil edilib. Adıçəkilən məktəbin şagirdi olan “Qol güləşi” üzrə çempion öz məktəb yoldaşlarına keçdiyi idman yolu haqqında və qazandığı uğurlardan danışıb. Görüş zamanı məktəblilər gənc idmançıya suallarını ünvanlayıblar.
