İpoteka və Kredit Zəmanət Fondu (İKZF) müvəkkil banklara ipoteka kreditlərinin, o cümlədən güzəştli ipoteka kreditlərinin verilməsi üçün limitlər ayırıb.
Shimal.News xəbər verir ki, bu barədə İKZF məlumat yayıb.
Məlumata görə, adi ipoteka kreditləri üzrə müraciətlərin qəbulu fevralın 6-sı, saat 10:00-dan, güzəştli ipoteka kreditləri üzrə müraciətlərin qəbulu isə fevralın 7-si, saat 10:00-dan “Elektron ipoteka və kredit zəmanət “sistemi (www.e-gov.az) üzərindən "SİMA Token" (Elektron İmza) və yaxud "ASAN İmza" vasitəsilə həyata keçiriləcək.
Elektron sistemdə aparılmış təhlükəsizlik tədbirləri ilə əlaqədar elektron müraciətlərin kompüterlər (PC) və ya “notebook” vasitəsilə (touchscreen funksionallığından istifadə edilməməklə) həyata keçirilməsi tələb olunur.
